Robert Lal Chhuana vui liam

Priminent journalist Robert Lal Chhuana h/o Christina Hmingliani chu nimin zing dar 2 vel khan Sihphira an chenna inah lung (heart) ná vangin a thi a, nimin vek khan vui a ni.

March 30, 1939-a piang Robert Lal-Chhuana hian kum 1973-ah ‘Hruaina Eng’ chanchinbu a chhuah a, September 1, 1973-ah ‘Romei' chanchinbu siam lehin, hei hi a thih thlengin a enkawl zui a ni.

Mizoram Journalist Association-ah term sarih chhung president a ni a, MJA-in March 19, 2008-a prominent journalist a puan hmasak ber mi pathum zingah a tel. Prominent journalist hi kum 30 chhung chatlak loa chanchinbu enkawl tawh leh kum 60 tling tawhte hnenah chauh hlan ṭhin a ni.

MNF party leh Cong-ress party ṭhalaite chuan thuchhuah siamin, Robert Lal Chhuana chu an ui thu leh, a kalsan a chhungte leh MJA member-te an tawrhpui thu an tarlang.