Oil palm chin dan zirtir

Agriculture department chuan nimin khan Mamit Chhim Veng YMA hall-ah loneitute oil palm chin dan an zirtir a, Agriculture director Dr. C Lalzarliana'n a hman pui.

Training hi DAO LV Zomuana'n kaihruaiin, Dr. C Lalzarliana chuan oil palm chu Mizo thlai chin zinga hralh tla leh kut hnathawktute sum leh pai dinhmun siamṭhatna atana pawimawh leh rintlak ber a nih thu sawiin, oil palm chingtute chu an hma lama vanneihna hun ṭha inhawng mek thlira phur tak leh ṭhahnem ngai taka hnathawk turin a fuih a ni

Mizorama district zingah Mamit district hi oil palm rah sawr tur thar chhuak tam ber a la ni rih a, kum 2014 khan metric ton 1,055 a thar chhuak a, heta tanga sum hmuh hi cheng nuai 58 chuang a ni. Nikum khan metric ton 1,797 a thar chhuak leh a, an sum hmuh pawh cheng 98.84 a ni.