KHAWTHLIR

Mizoram UPC ṭhalai pawl, Penticostal Youth Department (PYD) Bilkhawthlir Bial chuan an silver jubillee pualin nimin khan Kolasib District Hospital tan thisen unit 28 an pe a, a petute mipa 19 leh hmeichhia pakua an ni.

MJA leh Aizawl SP

Aizawl SP C Lalruaia leh MJA member-te chu nimin khan SP pisaah an inkâwm. C Lalruaia chuan, MJA member-te chu thawhpuiah sáwmin, "Law & order kenkawhna kawngah pawh thuthar thehdarhtute in pawimawh em em a, thawhhona ṭha tak i nei ang u. Hmun hrang hrangah in kal nasa a, chu'ngahte chuan a 

ṭul anga information min pekte a ṭangkai em em a ni," a ti.

Lunglei DC chuan Cr.PC Section 144 hmanga thupek chhuahin, Lunglei district aṭanga hmun danga vawk thawn chhuah leh district dang aṭanga vawk lak luh khap a nih thu a puang. Thupek hi thla hnih 

chhung atan a ni a, thupek zâwm lote chu IPC Section 188 hmanga hrem theih an ni. Thupek hian Commerce & Industries Director leh AH&Vety Director ten mimal sumdawng permit/licence a pekte a huam lo.

Chapchar Kut 2020 Programme Committee chu nimin khan an chairman, Art & Culture director R Hmingthanzuala hoin a pisa-ah an ṭhukhawm a, Chapchar Kut hmanna atan Lammual an ruat a, programme tur hrang hrang an rel nghal. An thurel hi Chapchar Kut Organising Committee-ah an chhawp chhuak leh ang. Chapchar Kut hi March 5 leh 6, 2020 ah hman a ni ang.

Lunglei DC V Lalsang­liana chuan thupek chhuahin, Lunglei district-a silai license nei, National Data Base of Arms Licence (NDAL) - Unique Identification Number (UIN) la ti lote chu May 2020 ral hmaa DC pisa (Arms Branch)-ah inhriattir turin a chah. Inhriattir tur hian silai license, silai, voter ID xerox copy, Aadhaar card xerox copy leh passport size thlalak pathum ken a ngai. Hun tiam chhunga inhriattir lote chu an silai license tihtàwpsak an nih tur thu tarlan a ni bawk.