Vanduaina tawk naupangte zangnadawmna pe

Saiha District Legal Service Authority bultumin nimin khan kum 2015 chhunga Saiha district-a pawngsual tawktu naupang pahnih leh kângmei vanga vanduaina tâwk naupang pakhat hnenah zangnadawmna pek a ni.

Zangnadawmna pek inkhawm hi Saiha District Court room-ah neih a ni a, Saiha District Legal Services Authority secretary Dr HTC Lalrinchhana'n a kaihhruai a, Civil judge T Lalhmachhuana'n vanduaina tawkte dan anga zangnadawmna pek theih dante a sawifiah.

Pawngsual tawktu naupang pahnih hnenah zangnadawmna Rs. 50,000 ve ve pek a ni a; kângmei vanga vanduaina tawk mi pakhat hnenah Rs. 19,500 pek a ni.