KHAWTHLIR

Voters Day

GAD chuan January 25, 2016 khian Vanapa Hall-ah 'National Voters Day' hman a ni dawn tih thuchhuah an siam a, gazetted officer chinte chu ngai pawimawh turin an hriattir.

Kal tlang theih loh

Traffic SP chuan thuchhuah siamin, SIPMIU hnuaia feeder main pipeline siam mek chu siam chhunzawm a nih dawn avangin Khatla kâwn leh Assam Rifles 23 Sector hqrs., main gate (New Secretariat Complex pêng) inkar kawngpuiah January 23, 2016 zan dar 8 aṭanga January 24 chhun dar 12 chhungin lirthei tlan tlang theih a ni dawn lo tih a puang.

Media workshop

Press Information Bureau (PIB), Aizawl chuan vawiin chawhma dar 10 aṭangin Aijal Club-ah Media Workshop an buatsaih dawn a, MJA member-te tel vek tura beisei an ni.

Ruihhlo man

SRS leh police ṭangkawp chuan Thawhlehni zan khan Ṭhuampuiah Faki Hotel-ah heroin gram 30.66 leh hotel manager Saraf Uddin, Karimganj an man. Saraf Uddin sawi danin, ruihhlo hi Vanramngaii, Lunglei Kikawna mi ta a ni. Vanramngaii hi Pathianni khan Excise miten an man tawh a, ruihhlo a la neihte chu Saraf Uddin hi a kawl tir niin an an sawi. SRS te hian Thawhlehni vek khan Vaivakawn ah heroin can 12 an man. Faki Hotel leh Vaivakawna heroin man hi Rs. 1,61,100 man hu a ni.

Officer Council

Salvation Army India Eastern Territory-a officer-te chuan nimin khan Aizawl Temple Corps-ah Officer Council an nei ṭan a, vawiinah an chhunzawm ang. SA India Eastern Territory chhungah hian officer thawk lai nupa tuak 240 leh kawppui nei lo 29, an vaiin 269 an awm a; Council-ah hian rawngbawlna atana pawimawhte an inzirtir a ni.