Ramngaw leh nungcha humhalh inzirtirna nei

Mizoram University-a Department of Public Administration zirlaite chuan nimin khan Millennium Centre kawtah 'Environmental Conservation: A Key to Survival' tih thupuia hmangin ramngaw leh nungcha humhalh inzirtirna hun an hmang.

Awareness campaign-a thu sawitu, NLUP Implementing Board media officer PB Lianthangpuii chuan, khawvelah Pathianin nunna atana pawimawhte a dah vek tih sawiin, "Kan duhamna leh mahni chauh inngaihtuah vangin enviroment kan tichhe nasa hle. Hei hi sorkar chuan a ngai pawimawh a, UNO leh NGO-te nen ṭang­hoin thing leh mau, kan tui­hnárte humhalh hna thawh a ni," a ti.

MZU Public Administration HoD Prof. Lalhnehzovi chuan, "Kan chenna khawvel hi a ṭha thei ang bera kan enkawl hi kan tihmâkmawh a ni a, chu chu kan tan veka pawimawh a ni," a ti a; boruak chhe zel leh thing leh mau, tuihnate humhalh turin mi tinin tih theih an neih thu a sawi.