R Day-a tel turin hriattir

Mizoram sorkar chuan thuchhuah siamin, kumina Republic Day lawmnaah tel turin mi tin an sawm a, sorkar hnathawkte chu tel vek turin a hriattir nghal.

Sorkar thuchhuah chuan, Republic Day lawmna pui ber chu Lammualah hman a ni ang a, Governor Lt.Gen. Nirbhay Sharma-a'n hnam puanzar a pawtpharh dawn tih a tarlang a, "January 26 hian zing ni a chhuah veleh sorkar pisa leh sorkar hmun pawimawhahte hnam puanzar zâr theih a ni ang a, mimal inah pawh zâr theih a ni ang. He tih hun chhung hian sakhaw hrang hrang vuantute chu ram pumpui tan leh ram hruaitute tana ṭawngṭai theuh tura ngen an ni," a ti.