BCM-in hruaitu thar an thlang

Baptist Church of Mizoram (BCM) chuan Nilaini leh nimin khan Serkawnah Assembly Executive Committee meeting an nei a, nimin khan kum 2016-19 chhunga hruaitu thar turte an thlang.

BCM Assembly Executive Committee meeting hian general secretary thar atan Rev. F Ramdinmawia an thlang a; associate general secretary atan Mission-ah Rev. Dr C Vanlkaldika, Service-ah Rev. R Zohmingliana te an thlang. Executive secretary atan Rev. R Lalbiakliana (Lawngtlai) leh Rev. Dr K Lalrinthanga (Aizawl)-te an thlang bawk.

BCM meeting chuan, pro.pastor ni lai, pastor atana nemngheh tura Pastoral Committee-in mi pasarih a chhawp chhuahte chu a pawmpui a, Assembly-ah an thlen ang. Pastoral Committee-in pro. pastor thar tura a lak mi pariatte pawh an pawmpui a ni.

Meeting chuan, Higher and Technical Intitude of Mizoram (HATIM)-ah department pahnih - Bachelor of Mass Communication leh Bachelor of Business Administration (BBA) hawn belh rawtna chu Assembly-a thlen a remti bawk.