ZNP-in B Sairengpuii báng turin an phût

ZNP chuan thu-chhuah siamin, Persons with Disabilities (PwD) commissioner B Sairengpuii chu a hna chelh mek aṭanga bàn an phût thu an puang.

ZNP chuan, B Sairengpuii chu Chief Minister nupui laizawn a nih vanga duhsakna uchuak taka PwD Commissioner hna pawhseisakah Congress sorkar an puh a, "Hun pawhseisak duh loh vanga MSU, Aizawl City College Joint Students’ Union leh Mizoram Blind Society-te'n kawng an zawh hi kan thláwp tlat a. Congress sorkara lal chhungkua induhsakna hleihluak leh kut hna-thawktute chanvo tur tlemtê îtsîka an hmalak ṭhin-
na hi khamawm kan ti tak zet tawh a ni," an ti.