Car chesualah 4 thi

Nimin tlai dar 4 vel khan Aibawk leh Sateek inkarah maruti 800 car chesualin, kawng thlangah a tlan liam a; he thu ziah lai thleng hian mi pali, Dar-lung khaw mi vek an thi.

Aibawk YMA vice president Zaithanmawia hnen aṭanga thu dawn danin, car-ah hian nau-pangte nen mi pasarih an chuang a, World Bank road aṭangin a thlanga Darlung kawngah a tla thla a, a tlâkna hi metre 50 vela sang a ni.

Chetsualna hmunah Laldinthari (35) leh Lalhmangaiha (2) te an thi a; Lalruatzeli (nausen thla 2 mi) chu Aibawk damdawi-in thlenpui a nih hnuah an thi. Hliam dang, Rodingliana (27), car driver chu Aizawl Civil Hospital panpui a nih laiin, Falkawnah a thi leh bawk.