Damdawi-in bawlhhlawh enkawl dan sawiho

Damdawi-in bawlhhlawhte ṭha zawka sâwngbâwl dan ngaihtuah tura din, Advisory Committee chu nimin khan an chairman Lalramthanga, Environment & Forest secretary hoin a pisaah an ṭhukhawm.

Meeting-ah hian, damdawi-in te, ran damdawi-in te, sa talhna hmunte chuan Bio-Medical Wastes Manangement and Handling Rules 1998-in a sawi angin, Pollution Control Board-ah phalna an la ngei tur a ni tih an sawi a; Mizorama phalna nei mumal lote chu dân anga phalna la ngei tura hriattir ni se, an ti.

Meeting chuan, dân ang taka bawlhhlawh sâwngbâwl lote chu an chungah dân lehkhawh ni se, khauh taka dân kengkawh turin Pollution Control Board pawh hriattir ni se, an ti.

Damdawi-in din turin tun aṭang chuan Environmental Clearance a ngaih tawh avangin, duh duhna hmuna kut lo thlak ve ringawt a rem tawh lo a, environmental clearance nei lo chu Clinical Establishment Rules hnuaiah phalna pek loh ni se tiin sorkarah thurawn thlen ni se, an ti bawk.