KHAWTHLIR

Lawngtlai MJA inthlang

Lawngtlai district MJA-te chuan nimin khan kum 2016-18 chhunga an hruaitu turte an thlang a; president-ah ZD Dengngura, vice president-ah Lalngheta Ralte leh treasurer-ah C Zathianga te an thlang.

KTP Conference

Nizan aṭang khan Mizoram Presbyterian Kohhrana pastor bial hrang hrangah Bial KṬP Conference hman ṭan a ni. KṬP Bial Conference-ah hian vawiinah rorel inkhawm neih a ni ang a, nak zanah a
ṭiak ang.

Lunglei MJA

MJA Lunglei district chuan nimin khan Lunglei Press Club-ah kum 2016 atana inhlan tharna hun an hmang. Inkhawm hi Lunglei district MJA vice president Lianchama Chhangte-in a kaihruai a, Lunglei MJA president K Lalrinpuia'n thu a sawi.

Sarêp hâl ral

Champhai bazara sanghal leh sakhi sa rêp an man, kg. 12 vel chu nimin khan Champhaia Environment & Forest department complex-ah Champhai DFO Vanlalchuailova'n a hâl ral. Sarêp mante hi sanghal sa khai ruk leh sakhi sa khai ruk a ni.

SAG meichher

February 5-16, 2016 chhunga Guwahati leh Shillong-a neih tur, 12th South Asian Games meichher chuan January 25, 2016 khian Aizawl a lo lut dawn. Meichher hi January 26 zing dar 6:30-ah Chanmari kâwn aṭangin Treasury Square inkarah tlanpui tur a ni.

Kawng khâr dawn

State Investment Programme Management and Implementation Unit (SIPMIU) chuan vawiin zing dar 8 aṭanga nakrtuk Pathianni chhung dar 12 thleng, Khatla kâwn aṭanga 23 Sector Assam Rifles gate bul thlengin tui pipe lian an phûm dawn a, hna an thawh chhungin kawngpuiah lirthei tlan tlang theih a ni lo ang.

FMGEW-in thulh

Federation of Mizoram Govt. Employees & Workers chuan nimina Vanapa Hall-a General Con-ference an neih tur chu Vanapa Hall kawta zirlaite punkhawm avangin an ṭhulh. FMGEW chuan, confe-rence hun leh hmun tur chu la inhriattir leh tur a nih thu an tarlang.

Award dawng

Public Relations Coun-cil of India (PRCI)-in chawi-mawina siam, Cha-na-kya Award for Nation-al Achievers 2016 hnuaia KR Singh Memo-tial Award for PR and Communication Professionals - Life Time Achievement chu LR Sailo, MIS (Rtd) hnenah hlan a ni.

MIFCO intuaithar

MIFCO chuan nimin khan an chairman PC Zoram Sangliana hoin intuaitharna hun an hmang. PC Zoram Sangliana chuan, MIFCO-a thawkte chu hma lam panna kawngah theihtawp chhuah turin a fuih a ni.

Cleanliness Day

Nimin khan parlia-men--
tary secretary (School Education) Joseph Lal-him-puia hoin National Cleanliness Day hman dan tur rel a ni. Clean-li-ness Day, January 30 chu Inrinni a nih avangin a hma January 29, Zirtawp--niah hman ni se, an ti.