Kolkata-ah Mizo zirlaite an che ṭha

Birla Industrial & Technological Museum, Kolkata buatsaih, Eastern India Science & Engineering Fair 2016 (EISF-2016), January 12-16, 2016 chhunga neih zawh takah Mizoram aṭanga tel zirlaite an che ṭha hle.

Sorkar thuchhuah tarlan danin, EISF-2016 ah hian India rama state hrang hrang - Arunachal Pradesh, Assvam, Bengal, Bihar, Manipur, Meghalaya, Mizoram, Nagaland, Odisha, Sikkim leh Tripura aṭangin zirtirtu leh zirlaite an tel a; engineering college hrang hrang aṭangin exhibition entir ṭhin a ni.

EISF-2016 in a tum ber chu science leh mathematics zirna tihhmasawn a ni a, sikula an zirte a takin model/project hmangin an entir ṭhin.

Exhibition, science magic, meet the scientist, science work experience camp, science quiz competition leh cultural programme-te hman a ni.

SCERT hnuaia Science Promotion Wing chuan Mizoram aiawh tur thlan nan hian kum tin district hrang hrangah Science Exhibition a buatsaih ṭhin. EISF-2016 ah hian Mizoram aṭangin zirlai leh zirtirtu 25 an tel a a, zirlai pakuain lawmman an dawng a ni.

EISF-2016-a Mizo lawmman dawngte

# Lawmman Dawngtute

1. State Best Model Jane Lalnunsiami, St. Pauls HSS

2. Special Prize Model Zothansanga, St. Pauls HSS

Vanlalfeli, Bethel Mission School, Champhai

3. Work Exp. Camp

Pattern making Malsawmsanga, St. Peters HSS

Electronic camp Zorinmawii, Chaltlang H/S

Mask making C Lalnunfeli, Baptist HSS

4. Quiz (runner-up) C Lalnunfeli, Baptist HSS

Benedict Lalṭhakima, St. Johns HSS

H Lalhruaitluanga, St. Pauls HSS