NACS laka fimkhur turin Police-in mipuite chah

Mizoram police PRO chuan thuchhuah siamin, tunlai hian firm pakhat, NACS Ltd. intite'n mipui an bum ṭhin niin a tarlang a, fimkhur turin mipuite a chah.

Police thuchhuah chuan, NACS hian mipui náwlpui leh ṭhalai hna nei lote hnenah sorkar laipuia Ministry of Agriculture and Farmers Welfare hnuaia din anga insawiin, dik lo takin mipui hnen aṭanga sum lak nan an chin tih a tarlang a; "Mipuite fimkhur turin leh Ministry of Agriculture and Farmers Welfare hnuaiah NACS Ltd. tih hming pu eng pawl mah a awm lo tih kan inhriattir a ni," a ti.