Horticulture officer-te ṭhukhawm

Horticulture department-a officer-te chuan nimin khan an department hmalakna mek leh kumina an hmalak dan turte an sawiho a, Horticulture minister PC Lalthanliana'n a hmanpui.

PC Lalthanliana chuan, department hmalaknate a tlangpuia a ṭhat thu a sawi a, "Mizoram aṭanga thil thawn chhuah tam zawk sawhthing, iskut, kuhva, serthlum leh a dangte hi Horticulture department leh lo neitutete hmalakna a nih bakah, serthlum bikah phei chuan Citrus Rejuvenation Scheme hnuaia hmalakna avangin tun kum chhungin thar chhuah a tam phah a ni," a ti.

Meeting-ah hian kum 2016-17 chhunga hmalak dan turte sawiho a ni a, awmze nei zawka kal a, uar bik neih ṭul an tih thute an sawi.