Minister-in Ramhluna check dam siam a en

Disaster Management & Rehabilitation minister C Ngunlianchunga chuan nimin khan Ramhlun Sports Complex leh Ramhlun Vengthar chuan hnuai lama lei tawlh venna tura check dam siam hna thawh mek a hmunah a enfiah.

C Ngunlianchunga chuan, check dam siam mek chu kumin fûr ruahtui tlak hmaa zawh fel a nih loh chuan chhiatna leh buaina lian zawk a thlen an hlauh thu Ramhlun Sports Complex Local Council-in an thlen avangin, hna thawktute'n Krismas leh kumthar vuakvetah hna an chawlhsan hnuah thawh chhunzawm a ni leh tawh tih a sawi.

DMR Minister chuan, check dam siam chu kumin fûr hmaa zawh tum a nih thu te, tuna hna thawh tawh chin chu
ṭha tawka a hriat thu a sawi a; a ṭha thei ang bera thawh a nih theih nan hna thawktute ṭawiawm turin LC member-te a ngen a ni.

DMR Minister hi LC member-te bakah, DMR secretary PC Lallawmsanga, DMR director C Lalpek-sanga leh PWD officer-te'n an ṭawiawm a ni.