DC-in Lawngtlai damdawi-in a enfiah

Lawngtlai DC J Hming-thanmawia chuan nimin khan cheng nuai 220 sênga sak, Lawngtlai District Hospital OPD building thar a tlawh a, insuan luh a nih theih nan building thar chhehvel singsak dan turte a enfiah.

Lawngtlai District Hospital OPD hi Backward Region Grant Fund (BRGF) aṭanga sum hmuh hmanga sak a ni a, PWD (Building) Lawng-tlai Sub-Division-in an enkawl. Tunah hian sak zawh tawh a ni a, January thla tawp lamah inhlan fel hman tum a ni.

Hetih lai hian, OPD building thar tual vel te, tui connection leh tui dah khawlna tur te, a sira lung-rem te, a hungna turte leh laboratory building nena inkalpawhna tur step-te siam a la ngaih avangin tunah chuan luah luh theih a ni lo.

J Hmingthanmawia chuan, Lawngtlai district hmasawnna tur sum awm ang angte hmangin, mamawh zualpuite siam nghal dan ngaihtuah a nih tur thu a sawi.