Sorkarin thlarau MR tihbo a tumnaah Deptt. 40-in MR zat leh EPIC thehlut
Mizoram sorkarin sum renchemna atana hma a lakna chi khat, sorkar department hrang hranga 'Thlarau MR' tibbo tumnaah Plan hnuaia muster roll (MR) nei department 40 chuan sorkarah MR an neih zat leh MR-te electoral photo identity car (EPIC) an thehlut tawh. MR zat tarlan chu 7,396 a ni.
Hetih lai hian, Vanglaini-in November 16, 2015-a a tarlan, PHE department leh Power & Electricity department-te'n MR-te hlawh tur wages head hranpa an neih loh chungchang chu sorkarin November 17, 2015-ah a bawhzui nghal nia hriat a ni.
Mizoram sorkarin sum ren-chemna a kalpui dan leh hmalakna a neih mek dan RTI Act hmanga zawhna, Planning & Programme Implementation department SPIO-in a chhan dan chuan, "Thlarau MR tibo tura sorkarin hma a lak meknaah MR-te hlawh, wages head a hranga dah vek turin tun kum budget-ah sorkar department-te Sectoral Allocation of Plan outlay-ah a hranpain dah (earmark) a ni," a ti.
Sorkarin sum renchemna atana Planning department-in hma a lakna langsar zual zawhna SPIO in a chhannate chu - Plan post rationalisation (thlarau MR nuai bo tuma tia media-in an hriat ang) te, development sum hlâwk zawk leh ṭangkai zawka hman a nih theih nan Guidelines for Preperation and Selection of Development Projects siam te, sorkar department hrang hrangin development project/scheme/programme hnathawh mumal leh felfai taka kalpui a nih theih nan High Level Monitoring & Surveilance Committeee I&II din te, Department hrang hrangin ram hmasawnna aṭanga hna hlâwk zawka an thawh theihna atana sawihonate a ni.
Heng bakah hian Finance, Planning, Law & Judicial leh Taxation department-a Consultative Committee rawt-na tihlawhtlingin, sorkarin chak zawka sum renchem leh sorkar sum lut tur ngaihtuah belhna tur Cabinet Sub Com-mittee on Economy Measures and Additional Resource Mobilisation din thar a ni bawk.
Plan aṭanga hlawh la Thlarau MR tibo tura sorkarin ṭan a laknaah, tun hma aṭanga MR-te hlawh pek dan, budget-a minor work aṭanga pek ṭhin chu a dik tawk lo nia sorkarin a hriat avangin, department-te chu MR hlawh tur wages head a hranpaa a dah tura tih a ni.
Works department tia hriat - P&E, PHE, Minor Irrigation leh PWD-te chu MR-te hlawh tur a hranpain an dah leh dah loh Vanglaini chanchinbuin a chhuifiahna chu November 16, 2015 khan ziah a ni.
P&E department chuan kum 2015-16 budget-ah an MR-te hlawh tur wages head hranpa an la dah loh bakah, kum 2013-14 leh 2014-15 ah pawh MR-te hlawh tur bik a hranpaa dah a nih loh thu ziah a ni. PHE department pawhin MR-te hlawh tur wages head a hranpain an la dah lo a, sorkarah an dil mek thu te, an la hmuh loh thu leh MR-te chu maintenance works aṭangin hlawh pek an la nih thu ziah a ni.
Planning & Programme Implementation department-a Principal Adviser-cum- Additional Secretary chuan MR-te hlawh tur wages head-a dah a nih theih nan bawhzui nghalin, November 17, 2015 khan budget head a hranpaa dah a nih ve theih nan ziakin Finance Secretary hnenah a thlen a ni.
Department 40-te MR neih zat
# Department MR zat
1. Agriculture 42
2. Horticulture 58
3. AH & Vety 241
4. Fisheries 16
5. Environment & Forest 167
6. Cooperation 19
7. Trade & Commerce 36
8. Rural Development 31
9. Land Revenue 89
10. Sinlung Hills DC 19
11. Minor Irrigation 41
12. Power & Electricity 2,271
13. Industries 62
14. Sericulture 174
15. Geology & Min. Resource 8
16. Transport 31
17. Information & Comm. Tech. 10
18. Science & Technology 14
19. Planning & Programme 50
20. Tourism 157
21. Economics & Statistics 24
22. FCSCA 9
23. Legal Metrology 10
24. Law & Judicial 28
25. School Education 66
26. Higher & Technical Edn. 27
27. Mizoram Scholarship Board 3
28. Sports & Youth Services 83
29. Art & Cultrure 19
30. Health department 163
31. PHE department 2,562
32. PWD 618
33. LAD 24
34. UD&PA 149
35. Toun & Country Planning 19
36. LE&IT 15
37. Social Welfare 15
38. Printing & Stationery 7
39. Adm. Training Insititute 14
40. General Administration 4
Total 7,396