2015-ah ruihhlo cheng vbc. 4 chuang hû man

Excise & Narcotics department (END) chuan kum 2015 chhung khan zu leh ruihhlo cheng vbc. 4 chuang hû an man.

END chuan nikum January 1 aṭang-a December 31 inkar khan rakzu litre 36,154.140 an man a, zu bilh lai ṭin 58,447 an tichhiain, zu siamna dawidim kg. 39.518 an man. Sap zu ûm 30,997, beer can leh ûm 8,505, heroin kg. 4.064, ganja kg. 31.633, methamphetamine mûm 54,400, pseudoephedrine mûm 9,12,645, proxyvon leh parvon spas mûm 10,998 leh ruih nana hman theih khûh damdawi leh damdawi dang chi hrang hrang an man bawk.

Kum 2015 chhunga END-in zu leh ruihhlo an man zawng zawng hlutna hi cheng vbc. 4 chuang a ni. Heng bakah hian, Excise zu leh ruihhlo phurhna atana hman lirthei ke hnih nei 23, ke thum nei pasarih, LMV 45, MMV pathum leh HMV pahnih an man bawk.

ND&PS dan tlawhchhanin mi 420 manin thubuai 347 an ziak lut a; MLTP Act leh Mizoram Excise Act tlawhchhanin mi 2,124 manin, thubuai 2,290 an ziak lut a ni.

March 15, 2015-ah MLPC Act hmang-in zu zawrh ṭan a ni a; kum 2014 aiin kum 2015 chhunga END-in zu leh beer an man zat a tlem zawk nia thu dawn a ni.