Sangau chhehvelah buhfai harsatna

Sangau khuaa Food, Civil Supplies & Consumer Affairs (FCSCA) kudamah buhfai a awm loh avangin he kudamin a châwm, Sangau leh a chhehvela mipuite'n chawlhkar thum chhung ration buhfai an la thei tawh lo a, mi tam takin buhfaiah harsatna an tawk mek niin an sawi.

Sangau aṭanga thu dawn danin, Sangau kudamah hian buhfai sem chhuah tur a awm lo a, mipuiin chawlhkar thum chhung buhfai an la thei lo tawh a ni. Hei vang hian chhungkaw eng emaw zatin buhfai ei tur an nei tawh lo a, chhungkhaw ṭhenkhat chuan chaw atan atta leh thil dang an ring tawh a ni.

Zawhna chhangin Sangaua FCSCA inspector CT Biak-thansanga chuan, an kudama dah turin Supply Director
aṭangin buhfai pekchhuah phalna, release order tihchhuah a ni tawh thu leh, buhfai an hmuh thuai a beisei thu a sawi.