Aizawl Civil Hos­pital-ah nau piang 4,337

Kum 2015 chhung khan Aizawl Civil Hos-pital-ah nau piang 4,337 an awm a; out pa-tient department (OPD)-ah mi 3,42,588 an inentir a, Casualty-ah mi mi 58,039 an inentir bawk.

Aizawl Civil Hospital (ACH) hotute sawi danin, nikum chhung khan ACH-ah hian mi 15,306 admit an ni a; mitthi 779 an awm laiin, nau piang 4,337 an awm a, chungte chu mipa 2,271 leh hmeichhia 2,066 an ni. Zaipui tâwk mi 6,942 leh zai tênau tawk 10,928 an awm.

Damlo zingah x-ray hmanga en mi 26,253, endoscopy-a en mi 3,669, ECG tihsak mi 6,062, physiotheraphy ti mi 20,531, ultrasound-a en 6,061, echo-a en 2,010, CT Scan-a en 3,421, dialysis tih mi 1,663 leh thisen endik mi 6,27,929 an awm. Mizoram páwna damdawi-in pan tura tih mi 1,837 an awm bawk.