CM hoin PÛM, 2023 khar a ni

Labour, Employment, Skill Development & Entre-prenuership (LESDE) department leh Ministry of Skill Development & Entreprenuership ṭangkawp buatsaih 3rd Mizoram Innovation Competition & Exhibition Fair - PÛM, 2023 chu nimin khan Industrial Training Institute (ITI)-ah khar a ni a; chief minister Zoramthanga'n a hmanpui.

Zoramthanga chuan, PÛM 2023-a thil siam­chhuah/pho-chhuahte chu chhuanawm a tih thu a sawi a, "LESDE hmasawnna hi ka hmuhpuia, an building leh hmunhmate'n Covid hripui karah pawh heti taka hma a sawn hi a chhuanawm em em a ni. An peng pawimawh tak Youth Commission pawh hi ṭhalaiten an mamawhzia hre chunga hmathlir thui tak neia kan din a ni nghe nghe," a ti.

Khualzahawm Lalchhan­dama Ralte, LESDE minister pawhin thu a sawi a; PÛM 2023-ah hian mi 64 telin engineering leh non-engineering huangah an inel a, exhibition-ah hian stall 78 hawn a ni.