Zodin Square leh Tennis Court inkarah YMA-in ruihhlo do beihpui thlak dawn

Tuikual South Branch YMA chuan September 25, 2023 aṭang hian Zodin Square leh Aizawl Tennis Court inkarah 'ruihhlo do leh veng humhimna beihpui' an thlak dawn.

Tuikual South YMA chuan, Zodin Square leh Tennis Court inkarah hian ruihhlo a hluar hle tih tarlangin, "Kan veng chhungah zan khatah in pathumte rawk a ni. Kan man chhunte chu kan veng pawn a mi an ni deuh zel lehnghal," an ti.

Hetiang dinhmuna an din avang hian September 25, 2023 aṭangin Zodin Square leh Tennis Court inkarah ruihhlo do leh veng humhimna beihpui an thlak dawn tih tarlangin, zu leh ruihhlo laka fihlim lote leh zuarte inthiarfihlim turin an ngen.

Tuikual South Branch YMA chuan, "Zu leh ruihhlo laka fihlim lote leh zuar awmkhawm ṭhin man an nih chuan an chungah eng pawh thleng se mawh kan phur lo ang," an ti.