Naupang kutthlaktu special home-ah

August, 2023-a hmeichhe naupang pakhatin a hmeichhe naupang pui nasa taka kut a thlaklai video darha kutthlaktu ber chu Special Home, Durtlangah kum khat chhung awm tura a chungthu rèl a ni.

September 21, Ningani khan Juvenile Justice Board (JJB), Serchhip district chuan naupang kut inthlak chungchang hi an rêl a, nimin khan an thutlukna an tichhuak. Kutthlaktu video lang ber chu observation home aṭangin kum khat chhung Special Home, Durtlanga awm turin a chungthu a rèl a ni.

Kut inthlakna hmuna awmve video lang lo observation home-a dahve tho mi pathum chu bail-in chhuah an lo ni tawh a, mi dang pathum chu probation-a dahin, thla 3 chhung chu District Child Protection Unit, Serchhip ah counselling la ṭhin tura tih an ni.

Juvenile Justice Board ṭhutkhawm lai hian kuttuar hmeichhe naupang thlavang hauhtu mi eng emaw zat an ṭhutkhawmna hmun tualah an pungkhawm.