Kalphung thar ṭha lo tak nuai bo a ṭul - MNF Adviser

MNF chuan nimin khan an pisa-ah political session an hmang a, thusawitu MNF adviser Rochhunga Ralte chuan kalphung thar ṭha lo tak nuaibo a ṭul thu a sawi.

Rochhunga Ralte chuan, kalphung thar hri ṭha lo a leng mek nia sawiin, "Kalphung tharah tih tur fel taka dah a awm lo. Ṭhalai rilru thiang­hlimte hruaikawi mek an ni. He kalphung thar ṭha lo tak hi nuaibo thuai a ṭul takzet a ni. Kalphung thar tlangaupui mektute'n hruaitu hmasate laktlak lo leh thilṭha engmah ti lo angin an chhuah," a ti.

Bial viltur inruat chu thil ṭha lo tak a nih thu sawiin MNF Adviser chuan, "A chang leh an thlak leh thùl. Bial viltuten sum leh pai tamtak an khawhral a, lo tling pawh nise, an sum senral hmuhlet chu an hna hmasa tur a ni ang," a ti a; super CM emaw intiin ṭawngkam ngaihthlak nuam lo tak tak a phuhchhuak fo niin a sawi.