Inrenchemna tura rawtna lut Council of Minister-in a pawm

Council of Minister chu nimin khan Chief Minister's Office (CMO) Cabinet room-ah chief minister Zoramthanga hoin an ṭhu a; Covid-19 vanga inrenchemna tura rawtna lut 

ṭhenkhat an pawm.

Thu dawn danin, Mizoram sorkar chuan Covid-19 vanga sum leh pai dinhmun a chhiat lutuk lohna atana ruahmanna siamtu tur a din a, chu'ng mite'n rawtna an neih - Proposal on Economy Measures to Be Adopted by the Government of Mizoram in the Wake of Covid-19 chu nimin khan Cabinet meeting-ah sawiho a ni. Cabinet chuan rawtna chu ṭhenkhat a pawm a, pawm loh a nei bawk.

Cabinet meeting hian infiamna (sport) lam thil chu industry anga puan rawtna a pawm. Sports & Youth Services minister Robert Romawia Royte chuan Vanglaini palai zawhna chhángin, "He ruahmanna hi Mizoram Sports Policy, 2019 zúlzui leh Mizoram Industrial Policy duan lai mek nen pawh kal kawp tur a ni dawn. Mizoram sorkar tan sen tur a awm lo," a ti.

Sports Minister chuan, sports chu industry a nih chuan, sorkar laipui mai bakah, ram dang aṭanga puihna (foreign funding partner)-te leh private company liante tan pawh Mizorama sum tam zawk hman a ngamawm zual tawh dawn niin a sawi bawk.

•    Draft Mizoram Government Employees (Counting of Past Service) Rules, 2020

•    Khawzawl Electric Venga Power & Electricity ram zinga sq.ft. 40x40-a zau MUP Rún sakna atan sahthlak

•    Mizoram Goods & Services Tax (Amendment) Ordinance, 2020 siam