Minimum wages rate thar tur ruahman

Labour, Employment & Industrial Training (LEIT) secretary hoa State Level Committee on Minimum Wages member-te January 22, 2016-a ṭhukhawm chuan casual labour/muster roll leh Roads & Building Operation Schedule minimum wage thar tur an ruahman.

National Trade Union of Mizoram (NTUM) tarlan danin, minimum wages hi ni khatah unskilled tan Rs. 270, semi-skilled tan Rs. 300, skilled-II tan Rs. 370 leh skilled-I tan Rs. 460 a ni. He ruahmanna hi Cabinet pawmpui a la ngai a; NTUM chuan, rate siam thar hi Cabinet-in pawm ngei se an duh thu an tarlang.

NTUM chuan, Shops & Commercial Establishment leh Public Motor Transport Schedule erawh chu employer lam, Mizoram Merchant Association lamin an pawm theih loh avangin bithliah (fixed) theih a ni ve ta lo tih sawiin, pawi an tih thu an sawi.

Meeting chuan, over time allowance pawh ngun taka sawiho a nih hnuah, a dawng tur dik takte’n an dawn ngei theih nan Finance department lamah LEIT department-in lo bawhzui se, an ti a; skill upgradation leh The Mizoram Maternity Benefit Rules 2015 chungchang pawh an sawiho hnuah, zir chian hnua la thlirho leh atan LEIT kuta dah a ni.