Larsap leh MLA hluite an inkâwm

Governor Lt.Gen. Nirbhay Sharma chuan nimin khan Former Legislators Association of Mizoram (FLAM) hruaitute a office conference hall-ah a kâwm.

Governor chuan, FLAM hruaitute chu Mizorama an lo dawnsawn danah lawmthu hrilhin Mizoram hmasawn nan thawhpuiah a sáwm a, "Mizoram mipui chu ram chhung hmun danga MLA constituency pakhat pawh zat lo kan la nih avangin kan tlemna hi kan hman ṭangkai thiam a ngai a, chumi atan chuan ṭhalaite tan eizawnna kawng kawhhmuh ṭhiam a ṭul," a ti a; tawn-hriat nei ngah zawk FLAM member-te chu thurâwn pe ṭhin turin a sáwm.

Páwn lam mite nen inpawh zawka hun hman chu kan hmakhua tiêngtu tur a ni tih sawiin Larsap chuan, “Kan zirna kalphung pawh hi hetiang lam hawia her rem a ngai. Nakin lawka India chhuahká ni mai tur Mizoram hi inbuatsaih a hun tak zet a ni," a ti.

FLAM president KL Rochama pawhin thu sawiin, "Governor taima leh viak ṭha tak mai Mizoramin kan nei hi a lawmawm hle," a ti a; Governor chu a tawnhriat leh thiamnate chu Mizoram tana hmang zel turin a ngen a ni.