February aṭangin Lungleiah parking fee

Lungleia Transport Officer chuan hriattirna chhuahin, Lunglei khawpuiah February 1, 2016 aṭangin The Mizoram (Regulation & Control Vehicles Parking) Rules, 2000 tlawhchhan-in parking fee khawn a nih dawn thu a puang.

Lunglei DTO chuan thupek chhuahin, "Lirthei eng pawh, kawngpui, kawng sir, kawng zau laiah mahni duhna laia dah phal a ni lo a, parking area siamna hmun zelah daha din tur a ni," a ti a; chutih rualin, parking area-a lirthei dahte a him leh him lohah sorkarin mawh a phur lo tih a tarlang.

DTO tarlan danin, driver leh passenger-te'n parking hmun ni lo, kawngpui zau lai leh duhna hmunah bungrua hlân thlâk emaw, thiar kai phal a ni dawn lo a; lirthei neitu emaw, a khalhtuin motor parking fee pe loin parking area an chhuahsan tur a ni lo. Sorkar aṭanga phalna nei lo lirthei eng pawh, darkar 10 aia rei parking area leh kawngpuiah emaw dah phal a ni lo.

Dan bawhchhia emaw, palzût emaw an awm chuan an chungah MV ACT, 1988 Sec-tion 177 leh 179 hmang-a hrem theih an ni ang.