MNF kan sorkar leh ngei dawn - MNYF President

MNYF president Dr L Thangmawia, MLA chuan tunhnaia a bial chhung khaw hrang hrang a fannaah MNF an sorkar leh ngei dawn thu a sawi.

Dr L Thangmawia chuan Zoramthanga kaihhruai MNF chu Pathian leh mipuite zarah an sorkar leh ngei dawn nia sawiin, "A hunah chung lam hian chapo thei loin min siam a, a hun takah kan tan hna min thawhsak leh zel thung. Kumin kum tir lam boruak leh tun inthlan dawn boruak han khai khin ila, kum tira chapo takte kha an menghnuai leh hle tawh a ni," a ti.

Pathian leh ram tana thawk chhunzawm tura an puanven an sawichhin sauh sauh a ngaih thu sawiin MNYF President chuan, "Hun harsa karah Pu Zoramthanga kaihhruai MNF sorkar chuan theihtawpin hma a la mek zel a, Lengteng bialah pawh hmasawnna tamtak a thleng mek zel a ni. Term tharah chuan sorkar sum harsatna pawh a ziaawm chho anga, SEDP pawh tam zawka sem chhunzawm zel a nih ka beisei," a ti a, an party mite chu MNF-in rorelna a chan leh theihna atana theih tawp chhuah turin a chah.

MNF thuchhuah tarlan danin, MNYF President hian an party-ah mi 188 a lawmlut.