Manipur buaina vanga rawn raltlante sorkar laipuiin an mamawh pek a tum

Manipur buaina avanga Mizorama an sahimna zawnga rawn raltlante chu sorkar laipuiin an mamawh hrang hrangte pek a tum.

Ministry of Home Affairs (MHA) hotute chuan Mizoram sorkar hotute rawn biain, Manipur aṭanga Mizorama raltlan awm mekte mamawh kimchang thehlut turin a rawn hriattir. Hei hi bawhzuiin September 23, Inrinni khan raltlante mamawh chi hrang hrang MHA hnenah ziaka thlen a ni.

MHA hnenah hian thla 6 chhung atana raltlante mamawh tur buhfai, chawhmeh chi hrang hrang, damdawi leh thildangte thlen a ni.

Hetihlai hian sorkar laipui chuan chief minister Zoramthanga'n Manipur raltlante tana pawisa a dil chu an la tihhlawhtling lo.

Chief Minister hian raltlante tan hian May 16, 2023 khan sorkar laipuiah cheng nuai 500 a dil a, raltlan an pun belhzel avangin May 23, 2023 khan cheng nuai 1,000 zawk pe turin a ngen leh a ni.