Meth kg. 20.300 man a ni

Excise & Narcotics department chuan September 22, 2023 (Zirtawpni) zan dar 8 khan Saitual daiah methamphetamine tablet 2,00,000 (kg. 20.300) an man.

Methamphetamine neitua puh mi pahnih – Prasanjit Nama (24) s/o Santosh Nama (L), Manikyanagar leh Subrata Sarkar (29) s/o Narayan Sarkar, Kalsimura, Kalamchora Police Station, West Tripura District, Tripura-a khawsa nia inchhalte leh methamphetamine phurhna atana an hman Mahindra XUV 300 car thar (registration number la nei lo) pawh an man nghal.

Methamphetamine hi Myanmar aṭanga lak, Mizoram pawna hralh tum a ni a, car-ah hian thuhrukna tur an siamchawp a ni.