Endik thar mi 4 an fihlîm

Zoram Medical College (ZMC) Covid-19 Laboratory-ah nimin khan Covid-19 vei leh vei loh endik mi pali an awm a, hripui an vei lo vek tih hmuh a ni.

Covid-19 hripui vei rinhlelh thilah nimin khan State Referral Hospital (SRH)-ah mi pahnih dah luh an ni a, an swab sample endik nghal niin, Covid-19 an kai lo. SRH-ah hian mi 11 enkawl mek an ni a, chu'ngte chu Risk Ward-ah panga, Make Shift ICU/SARI Ward-ah pakhat leh Holding Ward-ah panga an awm mek.

May 21, Ningani tlai dar 5 leh nimin tlai dar 5 inkarah khan Mizoram luhka hrang hranga screening point-ah mi 874 enfiah (screen) an ni a, rapid antibody test (RAT) hmanga endik mi 99 leh RT-PCR test mi 26 an awm. Quarantine centre-a dah thar mi 87 leh mahni ina inkhung hrang (home quarantine) thar mi 28 an awm bawk.