Sorkar tawhte kan sawisel ngawt lo - ZPM PAC Member

ZPM chuan nimin khan an pisa-ah chhung inkhawm an hmang a, thusawitu ZPM PAC member Lalmuanpuia Punte chuan, a pawng a puiin sorkar an sawisel ngawt loh thu a sawi.

Lalmuanpuia Punte chuan Mizoramin sorkar a hrawn tawhte a pawng a puiin an sawisel ngawt lo tih sawiin, "Kan duh khawp lo leh dik lo nia kan hriatte erawh a dik zawk leh ṭha zawk kan duhna avangin kan sawichhuah a ngai ṭhin," a ti.

ZPM PAC Member chuan party pahnihte’n central-a BJP thawhpui tum anga ZPM an sawi thu sawiin, "Kan thawhpui dawn lohzia kan hotute’n an sawi zing tawh hle," a ti a; August 15, 2023-a General Headquarters General Body Meeting pawhin resolution a siam tawh thu a sawi.

ZPM-in nationalism chungchang an vei thu sawiin Lalmuanpuia Punte chuan, "Zo hnahthlak hmun hrang hranga awmte nen kan in unauna hi kan thupui hle," a ti.

Zo hnahthlak hrang hrangte common name chu Zo a nih thu sawiin, "Zofate hi ZPM kan sorkar chuan kan intodelh tawh ang a, ramdanga thawnchhuah tham khawp tharin kan lian chho zel ang," a ti a; Zo hnahthlak hrang hrangte intelkhawmin, nakinah chuan India sorkar aṭangin an la tal hrang lo ang tih a sawi theih loh thu a sawi.