Mizorama Covid-19 vei zingah 58.91% chu hnam dang an ni

Health & Family Welfare minister Dr R Lalthangliana chuan, Mizorama Covid-19 hripui vei hmuh chhuah tawh mi 21,20 zinga a zatve aia tam, mi 1,249 (58.91%) chu hnam dang an nih thu leh, Mizoram mi leh sa chu 871 (41.09%) an nih thu a sawi.

Health Minister-in nimina statement a siama a tarlan danin, nimin zing lam thleng khan Mizorama swab sample endik tawh zat chu 82,610 a ni a, chu'ng zinga Covid-19 positive hmuh chhuah tawh zat chu 2,120 niin, test zawng zawng aṭangin 2.57% a ni.

Mizorama Covid-19 vei hmuh chhuah tawh mi 2,120 zinga mi 871 (41.09%) chu Mizoram leilung fate an ni a, a tam zawk mi 1,249 (58.91%) chu hnam dang an ni thung. Mi 2,120 zinga 831 (39.19%) chu sipai mi leh sa (army & paramilitary force) an ni a; mi 185 (8.72%) chu truck driver/handyman-te niin, mi 1,104 (52.07%) chu civil mi an ni.

Mizorama Covid-19 dinhmun (IDSP statistics angin)

•    Mizoramah hripui vei mi 2,120 hmuh chhuah a ni tawh a, mi 1,772 (83.58%) dam tawhin, enkawl mek mi 348 an awm (nimin zing lam data angin). Chhuahtir tawh percentage hi khawvel leh India dinhmun aiin a sang zawk.

•    Mizoramah swab sample 82,610 endik a ni tawh a, positive hmuh tawh 2,120 zinga 871 (41.09%) chu Mizoram leilung fate niin, mi 1,249 (58.91%) chu ram leilungfa ni lo, hnam dang an ni.

•    Positive hmuh tawh zinga mi 1,522 (71.79%) chu Mizoram páwn aṭanga rawn lut an ni a, Mizoram chhunga kái chhâwng (local transmission) chu 598 (28.21%) an ni.

•    Mizorama Covid-19 positive hmuh zinga 831 (39.19%) chu paramilitary force-te leh army-te an ni a, truck driver/handyman 185 (8.72%) leh civil mi 1,104 (52.07%) an awm.

•    Enkawl mek mi 348 zinga 235 (67.52%) chu paramilitary force leh army-te an ni a, mi 113 (32.47%) chu civil mi an ni.