DC hoin SSA sum hmanna thlirho

Aizawl District Education Committee chu nimin khan an chairman Dr Franklin Laltinkhuma, Aizawl DC hoin an ṭhukhawm a, kum 2015-16 chhunga SSA, Aizawl district sum hmuh tawhte hman dan an thlirho.

Meeting-a tarlan danin, Aizawl district SSA hian kum 2015-16 chhungin cheng nuai 1251 a hmu tawh a, chu'ng zinga 48.5% chu hman ni tawh a, programme leh thawh tur hmabak eng emaw zat a la awm.

Zirtirtu thawk lai mek te tuaitharna (training) fund tunhnaia dawn chu sikul kum tawp anih tan tawh avangin, Session thar atan dah a ni.

Meeting chuan naupang chawchhun endika vil dan tur a duang thar a; ruahmanna thar ang chuan, sikula chawchhun kalpui dan chu District Education Committee member-te leh department hotute'n an endik ṭhin dawn a ni.