AVBD-in thisen pek Uar thar turin ngen

Association for Voluntary Blood Donation (AVBD) chuan thuchhuah siamin, tunlaiin Mizorama blood bank hrang hrangte'n thisen an nei tlem tih an tarlang a, Mizo ṭhalaite thisen pek uar zel turin an ngen.

AVBD chuan, blood bank hrang hrangte'n thisen khawl an neih loh avangin a thlawnin thisen an pe chhuak thei lo tih sawiin, "Damlo thisen mamawhte'n rulh leh ngai loa an mamawh tâwk thisen an hmuh theih nan thisen pek uar thar leh turin pawl hrang hrangte leh mimal tinte kan ngen a ni," an ti.

AVBD tarlan danin, tunlai hi kum thar hlim a ni a, pawl hrang hrangte kumin chhung atana insiam rem leh hmalakna tur duan hun lai a nih avangin January leh February thlaah pawl hminga thisen petu an tlem
ṭhin a; kuminah pawh thisen petu pawl an la tam lo hle. Chutih laiin, Aizawl Civil Hospital chuan ni tin unit 50-80 inkar vel an pe chhuak
ṭhin a, pawl hminga thisen pe awm zauh zauh mah se, mamawh zat a phuhru zo lo rih hle a ni.