Primary School zirtirtuten Thlasikah sikul ṭan tlai duh

Primary School Tea-chers Association (PSTA) chuan sikul kai hun chu thlasikah zing dar 8:30-a sawn a nih theih nan sorkara thlen an rel.

PSTA hian nimin khan Synod Conference Centre-ah General Conference an hmang a, chawhnu lamah ro an rel. An agenda zinga mi, 'Sikul ṭan hun zing dar 8 hi office kal hun thlasik leh nipuiah a danglam ang hian thlasikah zing dar 8:30-a ṭan turin sorkarah thlen ni rawh se' tih chu an pawm a ni.

PSTA hian MJA kaihhruaina hnuaiah hruaitu thar an thlang nghal a; president-ah C Biaknghinglova leh general secretary-ah R Zonunmawia-te an thlang a ni.