Chhiatrupna a thlena chetlak dan zir

Kolasib District Disaster Management Authority chuan chhiatrupna a thlen thulha chêt lak dan tur ruahmanna duan thar, Incidence Response System (IRS) chungchanga mawhphurhna leh chanvo neite tan training an buatsaih a, Kolasib DC H Lalengmawia'n a hmanpui.

H Lalengmawia chuan, IRS chu chhiatrupna a thlen thulha rang taka chêt lak dan ruahmanna leh tih tur inkhai diat a nih thu sawiin, "Chhiatrupna a thlen palhin IRS hian chet lak dan tur thui tak a hril thei a, a ṭha thei ang bera hmachhawn dan inruahman lailâwkna a ni," a ti.

Kolasib SP C Lalzahngoa pawhin thu sawiin, chhiatrupna a thlen palha awmze nei zawka hmalak a nih theih nan mi tinin an ṭangkaina lai tur an hriat a ngaih thu a sawi.

Training-ah Disaster Management & Rehabilitation department-a district organiser Lalnunfela'n IRS chungchang a sawifiah a; chhiatrupna a thlen palha mawhphurhna neite'n an tih tur leh chanvo a sawi a ni.