Horticulture College dinna tur enfiah

Central Agriculture University leh hmun danga mithiamte'n nimin khan Thenzawla Horticulture College dinna tur hmun tlawhin, preliminary survey an nei a; college dinna tura ruahmanna ram chhunga hmun hrang hrangte an fang.

Horticulture College tur hmun ennaah hian Central Agriculture University, Imphal aṭangin professor leh engineer-te an tel a; CAU-in construction company a lo thlan tawh NPCC Ltd. leh consultant CP&DS Associates hotute, Delhi leh Guwahati aṭangin an tel. Mizoram sorkar aṭangin Horticulture, PWD leh PHE department hotute an tel bawk.

Ram ennaah hian NPCC Ltd. leh CAU hotute chuan, layout plan mumal an siam theihna turin detail survey an neih vat tur thu an sawi a; Mizoram sorkarin a panna kawng siam thuai se an duh thu an sawi bawk a ni.

Hetih lai hian, Indian Council of Agriculture Research-a secretary leh director general chuan Mizoram sorkar chu Horticulture College chu academic session 2016-17 ah ṭan a nih theih nana hma la turin Mizoram Horticulture minister PC Lalthanliana a rawn hriattir tawh a ni.