MNF Core Committee ṭhukhawm

MNF Core Committee chu nimin khan an president Zoramthanga hoin Mizo Hnam Rûnah an ṭhukhawm a, tunlai politics dinhmun an thlirho. Zoramthanga chuan, Assembly inthlanpui a hnaih zel avangin thuneihna chang tura ṭan lak a ṭul thu a sawi.

MNF meeting-ah hian party dang aṭanga an party-a luh duh mi eng emaw zat lawm luh dan tur te, an President-in vantlang inkhawma an party-a lut tura political party dang a sawmna an bawhzui dante an sawiho a; an party-a lut duhte chu ngawrh lehzuala sàwm ni se, an ti.