UPSC exam-ah mi 445 inlan

Nimin khan India ram pumah Union Public Ser­vice Commission-in Civil Services (Preliminary) Examination, 2020 neih a ni a, Mizoramah pawh Mizo HSS, Mizo H/S leh Hrangbana College-ahte exam buatsaih a ni.

Mizoram Youth Com­mission (MYC) chairman Dr Vanlalṭanpuia, MLA hnen aṭanga thu dawn danin, UPSC Civil Services (Prelimi­nary) Examination, 2020 hi Aizawlah chuan mi 445-in an exam a, mi pathumin an exam tluan lo thung.

Dr Vanlalṭanpuia chuan, UPSC Civil Services exam-ah Mizo tling an awm theih nan MYC-in ṭan an la chho zel tih sawiin, "Beiseiawm bik mi 20 sponsor a, Delhi-a coaching centre ṭhaa kaltir kan tum a, mahse, test paltlang mi paruk chiah an tling rih. Heng mite hian Covid-19 vangin Delhi-ah an zir thei rih lo a, online hmangin an inzirtir ṭhin. Tun ṭuma prelims exam pawh hi an hmachhawn ve a ni," a ti.