Xiaomi MI5 February-ah?

Mai thei, la chiang lo, ang vel a ni. Mahse Xiaomi hian kumin chawhma lam hi chuan an phone thar hi an tihchhuah a rinawm viau. Xiaomi MI5 hi a spec hmuh tur a awm a, India-ah cheng engzatin nge an zawrh chhuah ang tih a la hriat loh a, tin, India-ah hian an zuar chhuak ngei ang em tih pawh a chiang lo; mahse India-a an zawrh erawh beisei ang.

A hmai hi inchi 5.3-a hlai tur a ni a, 1440 x 2560 pixel a ni ang. A camera chu a ṭha leh khawp mai. A hnunglam hi 16MP zet a ni a, dual LED flash a ni. A hmalam camera hi 6MP a ni a, 1080p zet a ni. He phone hi an launch tur thu tun thla chhung hian hriat kan beisei viau a, mahse a la awm rih chiah lo.

Android Lollipop a hmang ang a, a chipset hi Qualcomm Snapdragon 820 a ni ang. CPU hi Quad-core 2.2 GHZ a ni ang a, a graphic lam hi Adreno 530 a ni.

Memory card thunna tur a awm dawn lo a, mahse internal memory hi a lian thung. Chi hnih - 16GB leh 64GB a awm ang a, a RAM hi 4GB a ni ang. A battery hi a lak≠thlak theih loh tur chi a nih hmel a, 3030 mAh a ni ang a, a rawngah chuan duhthlan tur a tam vak lo mai thei, a var chiah awm tur angin an sawi.