Storekeeper thattua puh man

Nimin zing dar 10 vel khan HK Vanlaltlana s/o Sumtuahkhuma, Ramhlun South, Chawngte khuaa Supply department storekeeper hna thawk mek chu a chenna quarters-ah thia hmuh a ni a, rinhlelh thuah a driver man a ni.

Chawngte Police Station aṭanga thu dawn danin, H Vanlaltlana hi a khumah thia hmuh a ni a, a tukhumah hliam a tuar. Chawngte damdawi-inah postmortem a nih hnuah nimin tlai dar 3:30 vel khan Aizawl panpui a ni.

He thil thleng chungchangah hian HK Vanlaltlana driver Lalnunzauva, Chawngte 'L' chu rinhlehawma a awm avangin nimin vek khan Saiha police-te'n an man a; he thu ziah lai thleng hian a thah a nih leh nih loh hriat a la ni lo.

Hetih lai hian, Saiha Police Station aṭanga thu dawn danin, Lalnunzauva hi a nupui nen nimin vek khan Saihah an lut a, saiipah cheng nuai 15.6 an ken avangin rinhlelh thilah mipuiin an lo man a ni. A mantute chuan police an hriattir a; Lalnunzauva chuan HK Vantlaltlana chu a thah a nih thu police hnenah a sawi. A nupui erawh chuan a hriatpui loh thu a sawi thung.