Khawlailungah PIC ṭan a ni

Sorkar laipuiin mipuite hmasawnna tura scheme leh programme a neihte thingtlang mipuite hnena hrilhfiahna, Public Information Campaign (PIC) chu nimin khan PIB bultumin Khawlailungah ṭan a ni a, Lok Sabha MP CL Ruala'n a hawng.

Khawlailung khua SAGY hnuaia model village-a thlangtu CL Ruala chuan, khaw thianghlim, hrisel leh intodelh ni turin khaw mipuite lungrual taka thawk turin a chah a, "Model village atan sorkarin a hranin sum a pe lo a, mipuite ṭan rual a ngai," a ti.

PIC Core Committee chairman Mangjangam Touthang, PIB deputy director chuan inlawmna thu sawiin, PIC kalphung leh sokar laipuiin ruahmanna a siam hrang hrangte a sawifiah.

PIC puala hian Health department-in a thlawnna inentirna an buatsaih a, mi ṭhahnem tak an inentir. DAVP lamin photo exhibition an buatsaih a; Directorate of Field Publicity-in sikul naupangte tan quiz competion an buatsaih a, Song and Drama Division-in zai leh lâm an entir bawk.

PIC hi vawiinah Khaw-lailungah chhunzawm a ni dawn a, Mualchengah free clinic neih a ni ang a, naktukah Pilêr khuaah free clinic neih a ni bawk ang.