Zoramin rilru siamthat a mamawh : R Romawia

Art & Culture minister R Romawia chuan nimin khan Sazaikawn, Lungleia Multipurpose Cultural Complex sak a hawng. Minister chuan thu sawiin, Zoramin a mamawh ber chu rilru siamṭhat a nih thu a sawi.

R Romawia chuan, kuttlingloa sum lak luh te, thatchhiatnate bànsan a, rilru thianghlim pu chunga hmasawn tum a pawimawh tih sawiin, "Zoramin a kan mamawh ber chu rilru siam ṭhat a ni. Kutdawhna thinlung pu loin, mite ṭanpuitu nih i tum theuh zawk ang u," a ti.

Art & Culture Minister chuan, sorkar laipui chu art & culture-ah a hau-sa hle tih sawiin, "Mizoram pawh a ngaihthah lo a, hmarchhakah hnam hrang hrang kan chêng a, Dimapur-ah North East Cultural Zone hmunpui din a ni. Raja Rammahon Roy Library Foundation kaltlangin library hrang hrangah lehkhabu ṭha tak tak sem a ni," a ti.

Multi Purpose Cultural Complex hi Cultural Ministry aṭanga sum hmuh nuai 180 sêng a sak a ni a; building bakah, staff quarters leh exhibition cum workshop building sak tel a ni.