Kolasib DDMA an ṭhukhawm

Kolasib District Disaster Management Authority (DDMA) chu nimin khan Kolasib DC conference hall-ah bawrhsap H Lalengmawia hoin an ṭhukhawm.

Kolasib DC chuan, department hrang hrangte'n a rang lama disaster plan an siam vek a ṭul thu a sawi a, "Plan siam hi a tâwk mai lo a, chhiatrupna a thlen thulh-a kan mawhphurhna leh chanvo chiang taka kan hriat vek a ngai. Chhiatrupna a thlen thulha sorkar chhawm-dawlna a beitham ṭhin a, chuvangin mahni in leh lo insure nacháng kan hriat a, kan ṭhanharh a hun tawh a ni," a ti.

Disaster management & Rehabilitation director C Lalpeksanga chuan, Kolasib district chu Mizoram tan hmun pawimawh a nih thu sawiin, "Lirnghingte lo thleng ta se la, district inpuahchah hian Mizoram pum a nghawng thei a ni," a ti a; Kolasib district chu chhiatrupna thleng thulh atana an inbuatsaih Mizoram tan a pawimawh tih a sawi.

Meeting zawh hian Disaster Audit Team-in Kolasib District Emergency Operation Centre dinhmun an enfiah nghal a, a ṭul anga thuam ṭhat a nih tur thu an sawi.