Minister-in Phuaibuang buhfai sawifiah

Food, Civil Supplies & Consumer Affairs minister John Rotluangliana chuan Phuaibuang khuaa ration buhfai awm lo nia sawi chung-chang a sawifiah a; kudama buhfai a awm loh chhan chu January thla atana an chan tur pek vek a nih tawh vang a nih thu Vanglaini a hrilh.

Khaw hrang hranga ku-dam-ah buhfai chhêk nghûk
ṭhin chu tihtawp a nih tawh thu sawiin, John Rotluang-liana chuan, "A tlachawp leh mamawh ang tâwk (need base)-a buhfai pek ṭhin a ni a, Phuaibuang kudamah pawh tun thla chhunga an mamawh tâwk dah-in, sem ral vek a ni tawh," a ti.

Supply Minister hian Phuaibung kudam ruak chung-changah nimin khan FCSCA department official-te koin, thil awm dan an sawiho a; January 2016 atana ration chu Phuaibuangah thawn a nih tawh thu leh, February 2016 ration tur pawh thla thar tìrah thawn leh a nih tur thu an sawi.

FCSCA Minister chuan, kudamah buhfai chhêk nghêk nghûk a, dah chhiat a awm loh nana a tlachawpa thawn zel a nih tawh thu Vanglaini a hrilh a ni.