South Asian Games meichher Aizawlah

Guwahati leh Shi-llong-a neih tur, South Asian Games vawi 12-na meichher chuan Mizoram a rawn thleng a, nimin zing khan Aizawla Chanmari kâwn aṭangin Treasury Square thleng tlânpui a ni.

South Asian Games hi tun hma chuan South Asian Federation (SAF) Games tih ṭhin a ni a, a meichher tlanpuina hun hi Sports & Youth Services minister Zodintluanga leh parliamentary sec-retary (SYS) Hming-dailova Khiangte ten an hmanpui a; a bul
ṭannaah Hmingdailova Khiangte chuan meichher chu South Asian Games official-te hnen aṭangin a dawng a, SYS director Zothanmawia hnena a hlan hnuah tlanpui a ni.

Meichher hi sorkar mi pawimawhte leh infiamna lama hnuhma nei ṭha mi 28-in an tlânpui a, mi ṭhahnem takin an zui.

A tawpna leh khârna, Secretariat Annex-II tualzawlah neih a ni a, Sports mi-nister Zodintluanga'n lo dawngsawngin, South Asian Games official-te hnenah a hlan lêt leh a ni.

Zodintluanga chuan, 12th South Asian Games dawngtu tur state pahnih, Assam leh Meghalaya ten tluang taka an thlen ngei theih nan duhsakna a hlan. Hmingdailova Khiangte chuan, South Asian Games-in a tum ber chu remna leh muanna a ni tih a sawi.

South Asian Games hi Asia chhim lama awm ram pariat - India, Afghanistan, Bangladesh, Bhutan, Maldives, Nepal, Pakistan leh Sri Lanka-te telna a ni a, infiamna chi hrang hrang hmangin an inel ṭhin a ni.