Ramdinthara hnenah chawimawina

 Nimin khan New Delhi-a Republic Day lawmnaah prime minister Narendra Madi chuan naupang huaisen chawimawina dawng tura thlan mi 25 hnenah National Bravery Award a hlan a; award dawngtute zingah Ramdinthara (16) s/o VLMS Dawngliana, Saiha Vengpui a tel.

January 2, 2015 zan dar 8 vel khan Saihaa naupang pahnih - Moshedyan Lalramliana leh Beihrokhai-te chu kawngpui bula electric transformer dahna hung chhungah tla lut palhin electric current-in a man ve ve a ni. Chutih lai chuan Ramdinthara leh a ṭhiante chuan naupang pahnih chetsualna chu thlengin, Ramdinthara chuan Beihrokhai chu a chhip samah manin hmun him lamah a thehchhuak hmasa a, Lalramliana pawh a chhip samah bawk ṭhâmin a chhanchhuak ve leh a ni.